重返匯豐已經一個禮拜，所有野都開始settle down 之前仲以為自己要一段時間先可以掂番熟mainframe同COBOL d野 點知都只係玩左個system日零兩日，我就已經記得番八九成o勒~  所以... 我老細睇黎都唔打算再provide d咩training俾我啦...  其實呢個禮拜都唔可以話有d咩忙 除左第一日俾左成日我睇番d training notes同玩下個mainframe console之外 呢幾日都只係掂緊個極之唔urgent既task (enhancement project咁上下啦~ ) 事實上到而家呢一刻為止，呢個task既details都未完全firm哂 release date更加係遙遙無期 現階段只不過係知道user果邊大概想點做姐~ 而家d同事都只不過叫我study下個problem同試下改下d野咁，一d都唔趕 係就係有d頹架啦，因為個task對我黎講真係冇乜難度 所以都覺得自己有d呃飯食咁 不過總好過以前做student果陣咁直頭做冗員o丫! 而且返工有d野做下但又唔太忙果種感覺真係幾唔錯 總好過日日做到仆街OT到10點 冇野做既話就更悶... 直頭仲慘過忙到仆街呀!!!  不過睇黎我都唔輕鬆得幾耐架啦 o係成個dept都等人用既情況之下 你估佢會唔會請條友返黎淨係日日做到6點半就鬆得人o丫o拿??!! 不過唔緊要啦! 反正o係UST讀左三年書 都已經捱到慣哂啦 況且o係香港搵食，唔忙下OT下又點似返工做野呀??? 係咪?! 返工雖然唔算忙，但每日放工依然係"支力"到好似擔左成日泥咁 一返到屋企個人就已經散散地 睇黎我year 3果陣既生活太悠閒啦... hea到慣哂 真係要快d適應番而家既生活節奏先得... 除左搞果個task之外，就真係冇乜其他野搞 就連"抄file"呢d以前既指定工作都唔駛我呢個"御用抄file手"做... ... 可能佢地俾哂大陸果邊d teammate抄卦~ 如果真係要講既話，就係幫手教下個新student做野 睇住佢，我就好似見到兩年前自己o岩o岩入去做student果陣咁 對住個mainframe console淨係識得o係度"O咀"，一臉苦惱 作為一個過來人，我當然好明白佢既感受 尤其係冇野做但又唔可以亂郁果種心情，我更加係身同感受 所以盡可能我都想幫佢一把，減輕下佢既痛苦 當然啦，有好多野都係要佢自己搞掂既 我亦都冇咁得閒幫佢咁多~ 唔知點解呢... 呢次返去，個感覺真係好唔同 感覺個人已經冇以前做student果陣咁騰雞 無可否認成個人真係多左份自信 可能因為我o係度都算係有d經驗卦... 至於悶唔悶... 我已經唔去諗咁多啦 只要諗番起自己呢份都算係一份好工 心情就即刻舒暢番哂啦... 哈哈... XD  聽老細講，黎緊八月會有新同事入team 太好啦，而家我果team香港得番我一件散仔SAP (雖然大陸都有成十件八件) 黎多件既話，起碼唔駛做死我先o丫...  | 
)
